Një makinë është përfshirë nga flakët në Tiranë, pallatet “Malajziani”. Policia njofton se makina ka marrë flakë në ecje e sipër, por fatmirësisht nuk ka persona të lënduar.
Paraprakisht dyshohet se zjarri ka rënë si pasojë e një defeti teknik në mjet.
“Me datë 15.12.2021, rreth orës 17:00, te pallatet “Malajziani” ka marrë flakë në lëvizje e sipër dhe është djegur plotësisht, mjeti me drejtues shtetasin E. C. Nuk ka dëme në njerëz”, njofton policia.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
