Aktori i programit të humorit “Klanifornia”, Albano Bogdo, ka qenë i ftuar së fundmi në emisionin “Roped with Olsi”, i drejtuar nga kolegu i tij Olsi Bylyku.
Kur u pyet nga Olsi nëse do të shkonte ndonjëherë te Portokallia, ai u përgjigj vendosmërisht me një “JO” të prerë.
Ndër të tjerave ai tha se edhe pse njerëzit pyesin veten përse vazhdon ende si program, “Portokallisë” duket se nuk i ka ardhur fundi.
Ja një pjesë nga biseda:
Olsi: Pse jo?
Albano: Po jo se unë jam… (te Klanifornia).
Olsi: Po ja u mbyll “Klanifornia”?
Albano: Po pse u mbyll “Klanifornia” ç’e gjeti? Sigurisht është me verem “Klanifornia” dhe po presim të vdesim. O vëlla s’po mbyllet “Portokallia” , njerëzit thonë përse akoma vazhdojnë ata edhe nuk po mbyllet, si do mbyllet “Klanifornia”, 3 vjet ka që është hapur. Aktori më plak jam unë 33 vjeç, hiq Julin se merret dhe me politikë, te “Portokallia” 33 vjeç është më i riu.
