Shpikja e fundit e ushtrisë ruse është një robot shumë i veçantë që ka rrëmbyer vëmendjen e qytetarëve: një ‘gur spiun’.
Edhe pse për momentin është vetëm një prototip, forcat e armatosura kanë prezantuar tashmë robotin si shkëmb që synon të monitorojë armikun pa u zbuluar.
Qendra Ushtarake Shkencore dhe Arsimore (MESC) e Akademisë së Forcave Ajrore Zhukovsky-Gagarian ka punuar me pajisjen për rreth tre vjet dhe tani, më në fund, ka dalë në dritë për të mbledhur të dhëna nga armiku në fronti i luftës pa rrezikuar ushtrinë.
Pajisja mund të regjistrojë deri në 15 orë video dhe audio, por regjistrimi nuk fillon derisa sensorët e integruar të zbulojnë lëvizjen. Në këtë mënyrë, roboti ka autonomi për të mos humbur baterinë apo kujtesën për regjistrim.
Ushtria mund ta kontrollojë robotin duke përdorur sinjale radio nga një operator më shumë se një kilometër larg. Guri lëviz fshehurazi te armiku me një mekanizëm shumë të ngjashëm me atë të tankeve dhe zbulon me anë të një kamere të vogël për të regjistruar çdo lloj lëvizjeje që mund të jetë e rëndësishme për ushtrinë.
