Kreu i PD Lulzim Basha komenton për herë të parë deklaratat e ish-ministrit të Mbrojtjes Arben Imami. Ky i fundit 5 ditë më parë u shpreh se urdhrin për të qëlluar mbi protestuesit në 21 janar e kishte dhenë Ministri i Brendshëm, që në atë kohë ishte Basha.
Kreu i PD i quajti “mjerim i madh” këto akuza dhe tha se Imami ëhstë ndjerë i detyruar t’i bëjë ato.
“Ka pasur një proces hetimi, ndjekje penale dhe proces gjyqësor për 21 janarin. Ky proces ka sjell dhe dënime. Nëse dikush ka dicka për mua për atë ngjarje, unë nuk i fshihem askujt. Unë nuk kam asgjë për të shtuar për atë ngjarje.
Të biesh në këtë nivel është mjerim i madh. Nuk e di çfarë e ka detyruar. Nëse zotëria në fjalë e ha turpin me bukë, le ta hajë. Po nëse ka diçka, unë jam politikani më i akuzuar dhe nuk i jam fshehur kurrë drejtësisë. Nuk i fshihem drejtësisë sepse nuk kam gjë për të fshehur”, u shpreh Lulzim Basha në “Real Story”.
