Aktori Devin Ratray, i njohur për rolin në“I vetmi në shtëpi’, është arrestuar. Mediat e huaja raportojnë se Ratray u arrestua nën akuzën për dhunë në familje, pasi dyshohet se tentoi të mbysë të dashurën.
Ngjarja ka ndodhur në një dhomë hoteli në Oklahoma në fillim të këtij muaji, ku disa burime kanë treguar se ata filluan të debatonin pasi e dashura u dha dy fansave autografe falas në një bar ku ata ndodheshin. Debati thuhet se vazhdoi kur çifti mbërriti në dhomën e tyre të hotelit. Gruaja i tha policisë se Ratray ishte i dehur dhe filloi ta shtynte, ta godiste dhe ta mbyste përpara se të thoshte “Kështu vdes ti“.
Aktori i ‘I vetëm në shtëpi’ është liruar nga paraburgimi pasi pagoi garancinë prej 25 mijë dollarësh dhe ka mohuar akuzat e ngritura ndaj tij.
