Pas databazës me pagat e muajit janar të vitit 2021 që doli në qarkullim online në whatsapp ditën e djeshme, sot u bë publike dhe një tjetër databazë me pagat e muajit Prill.
E veçanta qëndron në faktin se në databazën e publikuar ditën e sotme, krahas të dhënave personale si numri i ID-së së kartës së identitetit dhe pagës mujore, është shtuar dhe numri i telefonit të qytetarëve.
Duke bërë në këtë mënyrë që numri i telefonit të më shumë se 630 mijë qytetarëve të jetë i aksesueshëm për të gjithë.
Prokuroria ka nisur një hetim në lidhje me këtë rjedhje të dhënash, ndërkohë që maxhoranca qeverisëse ka deklaruar se rrjedhja e të dhënave ka ndodhur nga punonjës të iniltruar.
