Ky është 30-vjeçari Can Kariçi që u gjet i vrarë brenda makinës së tij në Kodër Kamëz. I riu, që rezultonte me precedentë të mëparshëm penalë u vra mbrëmjen e kaluar, rreth orës 19:56, në Kodër Kamëz, në rrugën “Nikoll Vatnikaj”. Ai u gjet në gjendje të rëndë brenda automjetit me targa të huaja, teksa ndërroi jetë rrugës për në spital.
Brenda në makinën ku ndodhej viktima u gjet dhe një armë, e cila është dërguar në laborator për ekspertim.
Grupi hetimor po heton të shkuarën kriminale të viktimës, pasi sipas informacioneve të policisë, ai ishte pjesë e një grupi kriminal, ku bënin pjesë edhe dy viktimat e nëntorit në Astir, Erigers Mihasi dhe Armand Dumani.
