“Skëndërbeu” është një film historik që mban emrin dhe i dedikohet jetës së heroit kombëtar Gjergj Kastrioti Skënderbeu.
Gjergj Kastioti bashkon princërit shqiptarë duke u martuar me Donika Kastrioti dhe duke organizuar Besëlidhjen e Lezhës, por përballet edhe me tradhtinë e Hamza Kastrioti, nipit të tij. Filmi ka skena masive të betejave historike dhe rrethimit të Krujës. Është filmi i parë artistik, frut i bashkëpunimit shqiptaro-sovjeti.
Me regji nga Sergei Yutkeviç, në këtë film spikasin, aktorët Akaki Khorava, Besa Imami, Adivije Alibali, Marie Logoreci etj.
Adivije Alibali, që është dhe aktore kryesore e filmit( Mamica Kastrioti, motra e Skënderbeut), ka risjellë për ndjekësit posterin e këtij filmi, që daton qysh nga 28 nëntori i vitit 1953.
