Ministrja e Bujqësisë, Frida Krifca nuk i kursen promovimet e njerëzve të punës dhe që kanë investuar në vendin tonë.
Shpesh në llogarinë e saj, kemi parë individë të ndryshëm të promovuar nga ministrja, e cila ka qenë pranë tyre prej vitesh, ndërsa tani vijon t’i mbështesë në rolin e ministres.
Ditën e sotme ajo ka publikuar në rrjetin social Facebook bujtinën “Maria” nga Labova e Kryqit, në Gjirokastër.
Maria Kallajnxhi vendosi të investojë në këtë zonë, duke e shndërruar shtëpinë e saj në bujtinë me motive tradicionale dhe gatime te shijshme dhe sot, ajo nuk duket aspak e penduar për zgjedhjen e bërë, përkundrazi.
“Kartolina nga Labova e Kryqit na sjell bujtinën Maria. Shembullin e parë të mikpritjes, ngritur përmes mbështetjes së dhënë ndaj turizmit rural në programet e bujqsisë. Hapur për vizitorë, në një fshat me tradita, gjeografi magjike e histori të orthodoksisë.
#bashkë
#MeNjerëzitEPunës”, shkruan ministrja Krifca në postimin e saj.
