Kryeministri Edi Rama ka postuar mbrëmjen e sotme një thënie të shkrimtarit të madh rus, Fjodor Dostojevski.
Në statusin e tij në Facebook, kreu i qeverisë shqiptare shkruan: “Rrini të qetë!
Në ferr ka vend për të gjithë dhe nuk ia vlen të bëni një garë kaq të ashpër për të treguar se cili është më i poshtër se tjetri!”.
Duket që kjo thënie lidhet indirekt me situatën e krijuar brenda Partisë Demokratike.
Rama ka ironizuar përplasjet mes kreut aktual, Lulzim Basha, dhe Sali Berishës.
Përplasjet mes tyre vazhdojnë ende me njërën palë që ka mbyllur dyert e selisë ndërsa pala tjetër që kërkon me doemos të futet brenda.
