Çështja e tenistit Novak Djokovic ka marrë sërish një rrjedhë tjetër, pasi ministri australian i Emigracionit Alex Hawake vendosi të përdorë fuqinë e tij për t’i anuluar vizën serbit.
Menjëherë avokatët e tenistit vendosën të apelojnë vendimin, pasi në të kundërt ai rrezikon të dëbohet menjëherë nga vendi. Anulimi për herë të dytë i vizës sipas ministrit të Emigracionit u vendos ‘për arsye të shëndetit dhe rendit public, pasi është në interes të popullatës së Australisë’.
Ky vendim pasoi atë të datës 10 janar të gjykatës federale të Melburnit që i lejoi tenistin serb të merrte vizën, pasi disa ditësh pritje në paraburgim. Për rrjedhojë çështja mori edhe përmasa politike, me kryeministrin serb Vuçiç i cili akuzoi Australinë për keqtrajtim të numri 1 të botës.
Në rast se Djokovic nuk fiton të drejtën e vizës në gjykatën e apelit do dënohet të mos hyjë në Australi për 3 vite. Shkak për anulimin e vizës herën e dytë u bë një deklarim i rremë për kohën kur Djokovic kishte kaluar COVID-in, ndërkohë që koha i ka mbetur në dispozicion është e pakët. ‘Australian Open’ nis më 17 janar dhe organizatorët kanë bërë gati zëvendësuesin e tenistit serb.
