Ka nisur mbledhja e Këshilli Kombëtar të Partisë Demokratike. Kreu i kësaj partie, Lulzim Basha ka falënderuar të pranishmit ndërsa ka hedhur akuza ndaj mbështetësve të Sali Berishës duke thënë se një pakicë brenda tyre ka zgjedhur të luftojë kundër demokratëve.
Ndërkohë duke u ndalur tek vendimet e marra disa ditë më parë, ku u përjashtuan një grup deputetësh dhe vetë Sali Berisha, kreu i PD-së është shprehur se Kryesia e Partisë ka marrë vendimet e saj, për tu distancuar nga dhuna.
“Përjashtimi nga Partia i organizatorëve të dhunës, nxitësve të dhunës, ekzekutorëve të dhunës, nuk ishte vendim i lehtë, por ishte vendimi i duhur. Kryesia ka bërë thirrje për një pjesë tjetër që të gjejnë kurajon për tu distancuar nga dhuna. Duhet ta bëjnë këtë, për demokratët, për PD, për Shqipërinë.” mësohet se ka thënë Basha.
