Ish-kryeministri Sali Berisha nuk ndodhet sot në Kuvendin e Shqipërisë. Edhe pse ish-lideri i Partisë Demokratike premtoi javën e kaluar në studiot televizive se do të merrte pjesë në punimet e Kuvendit të Shqipërisë. Në mbledhjen e sotme të Kuvendit, Berisha nuk ndodhet në sallë.
Seanca e parë plenare e vitit 2022 filloi me debate midis deputetëve Flamur Noka, Edmond Spaho, Tritan Shehu, etj me kryetaren e Kuvendit Lindita Nikolla për të mos marrë parasysh propozimet e Partisë Demokratike për emërimet në komisonet e ndryshme parlamentare.
Kryesia e Partisë Demokratike ka përjashtuar 8 deputetë dhe ka pezulluar 18 të tjerë për pjesëmarrje në protestën e 8 janarit dhe mbështetjen për lëvizjen e rithemelimit të PD.
