Qendra e Kontrollit të Sëmundjeve në Shtetet e Bashkuara të Amerikës ka shtuar 22 shtete në listën e saj këshilluese kundër udhëtimeve.
Vendet që i shtohen listës së nivelit të katërt të rrezikshmërisë kanë patur një rritje të madhe të infektimeve nga koronavirusi gjatë ditëve të fundit. Ndër to është edhe Shqipëria.
Në listën e “nivelit të katërt” të “CDC”-së amerikane tashmë ka 100 shtete, të cilat janë duke u përballur me një valë infektimesh nga varianti tepër i transmetueshëm Omicron.
CDC këshillon që shtetet e nivelit të katërt të shmangen me çdo kusht, ndërsa qytetarët që udhëtojnë drejt tyre të jenë plotësisht të vaksinuar.
Në listën me destinacione pa rrezikshmëri janë vetëm 20 shtete.
