Mbajtja e zgjedhjeve lokale të pjeshme më 6 mars, më shumë se konfirmimin e fitores së mazhorancës, pritet që të përcaktojë kush gëzon më shumë mbështeje mes kundërshtarëve Berisha-Basha. A mund të jenë test se kush do ketë drejtimin e PD-së në në ardhmen? Për zhvillimet politike në vend komentojnë për gazetën “Fjala”, analistët Lorenc Vangjeli, Plator Nesturi dhe Erald Shulla.
Nga Fernada Cenko
Ndërsa në gjashtë bashkitë e vendit; Durrës, Shkodër, Vorë, Dibër, Lushnje dhe Rrogozhinë do të mbahen zgjedhjet për kryetar, PS ka nisur festën e fitores ende pa u votuar. Nga ana tjetër, opozita mbetet ende duke pastruar xhamat e thyera nga kacafytjet mes vetes në dilemën e madhe se cila karrige do mbajë ulur një nga dy “B-të”, Berishën apo Bashën. A do të jetë një test se cili mes tyre gëzon mbështetjen e elektoratit opozitar? Shumë mendojnë se është koha që të duket mbështetja që ka Basha apo Berisha.
Ajo që pritet është pjesëmarrja e ulët në votime. Partisë në pushtet i mjafton vetëm një thirrje nga të bindurit e përhershëm për të regjistruar pa shumë mund “suksesin e radhës”, ndërsa opozita duket se lufton mes vetes në një “çmendinë politike” që e ka shumë të vështirë të gjejë kurën, pasi diagnoza ka dalë me kohë. Berisha po përdor çdo formë që të dalë me një kandidat të mbështetur prej tij, duke pasur si betejë kryesore jo fitoren ndaj kundërshtarit histrik që përfaqëson PS-së, por të “mundë’ rivalin e ri që mbështetet nga Basha. Në këtë përplasje ai që po përfiton gjithnjë e më shumë pushtet mbetet kryeministri Edi Rama i cili pa mund fare po mund kundërshtarët.
Mbi zhvillimet e fundit dhe testin e radhës që janë zgjedhjet lokale të pjesëshme komentojnë për gazetën “Fjala”, analistët Lorenc Vangjeli, Plator Nesturi dhe Erald Shulla.
Erald Shulla: 6 marsi, prova që i vlen PD-së
Plator Nesturi: 6 marsi, as fitore por as prezantim dinjitoz opozitar
Lorenc Vangjeli: PD mund të refuzojë testin në 6 mars
