Kryeministri Edi Rama i ftuar në emisionin “Open”, komentoi zhvillimet politike në PD, duke dhënë deklaratën e fortë se si Basha ashtu edhe Berisha nuk kanë legjitimitet politik, duke i cilësuar si “të vdekur e të pakallur”.
Kryeminitri Edi Rama i ftuar në emisionin “Open” të Eni Vasilit dha një deklaratë të fortë ku u shpreh se Lulzim Basha mund të ketë vulë dhe logo, por si Berisha dhe Basha nuk kanë legjitimitet në Partinë Demokratike. “Kë të marr unë në telefon? Vulën e ka Lulzimi, siç ka Nard Ndoka vulën e PDK-së. Unë flas për legjitimitetin përpara popullit demokrat. A e shihni se çfarë u kanë bërë këta demokratëve. I kanë kthyer njësoj si kulakët me komunistët brenda një shtëpie”, tha Rama. Ndërsa në lidhje me ndërhyrjen e policisë në PD shtoi se: “Përse e mbyll derën ti? Nëse ti je në rregull, thirr Policinë. Policia ka qenë në ditën e vet më të vështirë në histori. Nuk ka ditur çfarë të bëjë kur po ndodhte një sherr në oborrin e një partie. Njëra palë thoshte se s’ka asnjë derë të blinduar, pala tjetër thoshte se skishte asnjë xham të tyer. Këta janë dy të marrë që kanë marrë pengj një popull të të rë demokratësh dhe duan t’I tërheqin prej hundësh”, tha ai. Rama duke ju referuar Berishës dhe Bashës në aspektin politik për atë që po ndodh në kampin opozitar u theksoi se:
“Që të dy janë të vdekur e të pakallur”. Në komentet e dhëna për nismat e qeverisë, Rama është ndalur gjatë në çështjen e “këshillimit Kombëtar” ku prej ditësh u ka nisur qytetarëve një pyetësor me 12 çështje. Rama ka folur për këtë nismë duke thënë se është viti i parë që e aplikojnë dhe presin ta përmirësojnë çdo vit, ndërsa sqaroi se arsyeja përse vendosën ta bëjnë anonime është për shkak të skandaleve që kanë qarkulluar së fundmi për të dhënat e qytetarëve. “Për këtë vit, ky është këshillimi i parë dhe natyrisht ne ka shumë gjëra që do të duhet ti kuptojmë e mësojmë nga kjo eksperiencë dhe do ta përmirësojmë vit pas viti. E kemi bërë totalisht anonime, pra asnjë lloj identifikimi të qytetarëve që do shprehen sepse sic është së fundmi në modë kjo teoria e konspiracionit të të dhënave personale, menduam se bëmë mirë që të mos e fusim këtë komponent. Zarfat që vazhdojnë të shkojnë në shtëpi janë pa emër.
Zarfat të plotësohen nga të moshuarit ndërsa të rinjtë mund ta bëjnë online”, tha Rama. Ndër të tjera, i pyetur përse kaq shumë kohësh në pushtet kanë vendosur të pyesin popullin për çështje delikate, Rama tha “nuk do të nxjerrim sytë për të vënë vetulla” duke iu referuar faktit që nëse njerëzit janë kundër një çështje, nuk do t’i mëshojnë. “Qeverisja është proces që nuk përfundon kurrë. Unë mendoj që është lajm i mirë që pavarësisht faktit që kemi hyrë në mandatin e tretë si askush më parë, jemi në kërkim të përmirësimit, në kërkim të forcimit të ujërave mes qeverisë dhe qytetarëve. Kjo do të thotë që unë asnjëherë nuk e kam dashur rutinën, gjithmonë kam pasur fobi ndaj rutinës, ndaj mosndryshimit.
Sa i përket pjesës tjetër, këto janë vendimmarrje tonat, që do të thotë, nuk na mungojnë kartonat për ti marrë këto vendime, nuk na duhet një justifikim sepse nuk do të nxjerrim sytë për të vënë vetulla sepse të konstatosh që shumica e qytetarëve për një çështje është kundër dhe të shkosh pas saj kur ka një dilemë, është budallik. Kjo e forcon më tepër bindjen mbi opinione të ndryshme sepse të gjitha çështjet janë dilema vendimmarrje, nuk janë çështje ku ne duam të gjejmë justifikim apo të përdorim qytetarët”, tha kryeministri. Rama tha se nëse 90 për qind e shqiptarëve do të jetë kundër Ballkanit të Hapur qeveria do të detyrohet të japë shpjegime. Ndërsa nëse shqiptarët duan ndarjen e vendit tonë nga Maqedonia e Veriut, Rama tha se atëherë qeveria do të ndryshojë vijë. “Sa i takon ndarjes me Maqedoninë ka shumë në dorë Shqipëria. Ne kemi pasur mundësinë që të bëjmë një politike agresive ndarjeje dhe të shkojmë në çdo derë evropiane edhe të themi ç’punë kemi ne që na mbani këtu. Nëse as presidenti i Francës nuk do ta bindi Bullgarinë të ndryshoj rrugë atëherë është e arsyeshme që ne të ndryshojmë vijë”, tha Rama.
