Kur përmendim historitë që kanë lindur në Big Brother, publiku që ka ndjekur këtë reality show, kujton historinë që lindi mes Adelajdës dhe Bjordit. Ata morën gjithë vëmendjen me puthjen e famshme teksa i ndiqnin mijëra njerëz. Momentet i ka rikujtuar Arbana Osmani e cila tha se në televizion nuk do të ketë më një histori dashurie si e tyre.
“Ishte një puthje e fshehtë. Ata ishin puthur duke menduar që ne nuk e dinim që ishin puthur. Ishte në një korridor të vogël para dhomës së rrëfimit. Ne menduam shumë nëse duhet ta transmetonim”.
Adela nuk është më mes nesh, por siç thotë moderatorja, emocionet që ajo i ka dhuruar publikut shqiptar janë të pashlyeshme.
“Unë nuk e di nëse do të ketë ndonjëherë në televizion një histori dashurie si ajo. Emocionuese ishte dhe për mënyrën si erdhi, për guximin. Adela ishte shumë vajza shqiptare, prandaj e donin”.- tha Arbana.
