Lori dhe Sara Hoxha ishin dje të ftuara në emisionin “Pardon my French”, ku folën rreth “Big Brother VIP”. Big Brother VIP është formati më i komentuar përgjatë më shume se 3 muajve.
Shpesh është spekuluar se banorët që qëndrojnë brenda paguhen. Është përfolur se një banor paguhet me 1500 euro për çdo javë qëndrim brenda shtëpisë. Por sa e vërtetë është ky informacion. Lidhur me këtë ka folur vetë Sara dhe Lori Hoxha për Top Albania Radio.
A paguhen banorët për qëndrimin brenda në shtëpi? Motrat Hoxha thonë se ata nuk paguhen. Ata gjithashtu i kanë dhënë një përgjigje spekulimeve se fituesi është përcaktuar që në fillim të programit. “Pse duhet të përcaktosh një fitues që në fillim? Nëse publiku nuk e do duket ajo. Po ta kisha përcaktuar unë do kishte dalë që në fillim.”, thotë Lori.
A ka banorë të infiltruar nga produksioni? “Budallallëku më i madh që kam dëgjuar ndonjëherë. Ata jo të infiltruar dhe po japin informacion, jo të ishin dhe të infiltruar.”, shton Lori. Kush është “Vëllai i madh”? Lori thekson: Jo, sigurisht që nuk jemi ne “Vëllai i madh”. “Vëllai i madh” është një ekip i tërë, një skuadër e madhe.”
