Një person është gjetur i pajetë në liqenin e Fierzës pasditen e kësaj të shtune.
Mësohet se trupi i pajetë është konstatuar nga banorë të zonës. Trupi është dërguar në morg për t’u ekzaminuar.
Paraprakisht dyshohet se është trupi i pajetë i peshkatarit nga Dibra, Tofik Hoxhës por ende nuk ka një konfirmim zyrtar nga autoritetet.
Ky i fundit humbi kontaktet me familjen një muaj më parë teksa kishte shkuar për të peshkuar në lumin Drin.
