Nënshkruhet marrëveshja mes qeverisë shqiptare dhe asaj zvicerane për njohjen e ndërsjelltë të sigurimeve shoqërore.
Ministrja e Financave, Delina Ibrahimi tha se nga nënshkrimi i kësaj marrëveshjeje do të përfitojnë rreth 2,000 shtetas shqiptarë.
“Nënshkruam një marrëveshje të rëndësishme me qeverinë zvicërane. Ndër vite shqiptarët që jetojnë dhe punojnë në Zvicër kanë patur një problematikë, njohjen e pensioneve vitet e pensionit, sigurimet shoqërore. Janë rreth 2,000 shtetas shqiptarë që do të përfitojnë njohjen e viteve të pensionit falë kësaj marrëveshjeje”, deklaroi Ibrahimi.
Ndërsa kryeministri Edi Rama shkruan në Facebook: Shtetasit shqiptarë që punojnë rregullisht në Zvicër, do të përfitojnë pensionin me mbushjen e moshës, duke mos humbur asnjë ditë nga periudha kontributive.
