Ministrja për Punet me Parlamentin, Elisa Spiropali ka komentuar zhvillimet brenda kampit blu.
Spiropali u shpreh se në këto zgjedhje PS nuk i druhet askujt teksa shpreson se PD do ta kalojë shpejt atë që ajo e konsideron fazën e adoleshencës politike.
Ndërkohë lidhur me protestat ë ish-kryeministri Berisha paralajmëron, Spiropali i ka konsideruar si protesta për hallin e tij por që sipas saj do të përfundojmë si me 8 janar me 1 mijë veta.
Puna e tyre është beteja e tyre. Çdo opozitë ë botë kur ka zgjedhje vrapon për të treguar që është shumicë ndërsa tani opozita është fshehur. Basha si një turist tranzit ndërsa Berisha po i përdor këto zgjedhje si një varre për të përfunduar atë që nuk e përfundoi me 8 janar. Jam e sigurte që do të votojnë kandidatët e tyre.
Objektivat e zgjedhjeve
Nuk ka parti, sado e vogël e e rrënuar që nuk hyn për të fituar, por sondazhet i dëshmojnë qartë fituesit.
Filtër për përzgjedhjen e kandiatëve?
Ligji i dekriminalizimit e bën të qartë pasojat nëse dikush fsheh diçka. Kjo nuk diskutohet.
Përballje, Shtepia e Lirise apo Partia Demokratike?
Ne nuk druhemi. I druhemi vetëm faktit që një opozitë e thërrmuar që i shërben interesave të dy njerëzve është jo e vlefshme. Një opozitë e fortë një mazhorancë e fortë është e mirë për vendin. Nuk është e lehtë të qeverisësh në një vend ku çdo dy vite ke molotovë, protesta, braktisje. Uroj që kjo fazë e adoleshencës politke të mbarojë e të kuptojmë që cilësia e debatit politik të jetë dakortësia. Kjo i shërben vendit e shumicës.
Protestat e Berishës
Protesta për hall të tij. Protesta për hall të tij nuk do ketë ndjekës. Si me 8 janar ku përfundoi me 1 mijë njerëz që u detyruan të largohen./Balkanweb.
