Mediat britanike nxitonin të konfirmonin sot se “mbretëresha është gjallë” në të kundërt të asaj që pretendonte mbrëmë një faqe e njohur thashethemesh në SHBA.
Rrjeti ‘Hollywood Unlocked’ “tronditi” internetin mbrëmë me një lajm “eskluziv” ku thuhej se mbretëresha Elisabeth e Anglisë kishte vdekur.
Por idea se një faqe e tillë mund të publikonte një lajm kaq të madh nxiti reagime dyshimi në Britani.
Megjithse historia është refuzuar nga rrjete e mëdha online, themeluesi i rrjetit ‘Hollywood Unlocked’ Jason Lee tha se nuk tërhiqet nga informacionii marrë.
Ai komentonte në rrjetet sociale: “Ne nuk postojmë gënjeshtra dhe unë kam besim te burimet e mia. Ne po presim për konfirmimin zyrtar nga Pallati Mbretëror”, tha ai.
Dhe në fakt disa e kanë marrë lajmi si të mirëqenë, ndërsa të tjerë hedhin dyshime mbi gjuhën e përdorur në njofim.
Fillimisht skeptikët përmendin faktin se revista përdorte termin ‘Royal Kingdom’ (Mbretëria mbretërore) – për të cilin thoshte se nuk përdoret nga nejrëz të brendshëm të pallatit Buckingham Palace.
