Qyteti ukrainas i Kharkiv ishte sërish shënjestër e sulmeve mëngjesin e sotëm, raportojnë mediat lokale.
Imazhet televizive tregojnë një shpërthim masiv që mund të jetë nga një raketë ose bombë mbi një ndërtesë, që gazeta “Kyiv Independent” e identifikon si selinë e qeverisë rajonale. Komanda operacionale e Ukrainës thotë se forcat ruse kanë gjuajtur një raketë në ndërtesën e administratës rajonale në Kharkiv.
Sulmi kishte si qëllim vrasjen e guvernatorit të Kharkiv dhe ekipin e tij që drejtonte mbrojtjen e qytetit, i dyti më i madh në Ukrainë, thotë Kievi. Banorët thonë se Kharkiv u shënjestrua sërish mbrëmë dhe mëngjesin e sotëm.
Video tregon një shpërthim masiv në godinën që goditet drejtpërdrejt. Në atë moment po kalonin disa makina civile.
Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n
— Dmytro Kuleba (@DmytroKuleba) March 1, 2022
