Janë ndër çiftet më të njohur shqiptarë dhe asnjëherë nuk hezitojnë që të tregojnë dashurinë për njërit-tjetrin. Fjala është për moderatorin dhe aktorin, Ermal Mamaqin dhe gruan e tij, Amarda Toska, e cila sot (5 mars) po feston ditëlindjen e 40-të.
Në këtë ditë të veçantë për të nuk ka munguar një befasi dhe urim romantik nga Ermali, i cili këtë e ka bërë edhe përmes një postimi në llogarinë e tij në Instagram.
“Qofsh e lumtur gjithmonë dashuria im”, ishte urimi i Ermalit të cilin e shoqëroi me një fotografi të bashkëshortes së tij ku i bën dhe dedikimin e ëmbël.
Ndërkohë, Ami postoi disa imazhe në të cilat ka treguar dhuratën që mori nga partneri i saj, që janë disa pemë me trëndafila të kuq.
“Çdo gjë që bën për mua është më shumë se normalja…Si këto pemë me trëndafila sot”, ka shkruar Amin në mbishkrimin e imazheve ku shihet përkrah Ermalit.
Ndryshe, kujtojmë që Ermali dhe Ami janë të martuar prej vitesh, dhe janë prindër të dy fëmijë, djalin Joeli dhe vajzën Sia.
