Në gjashtë bashki të vendit do të mbahen zgjedhjet e pjesshme lokale, ku forcat politike janë përqëndruar më shumë në dy qendrat e mëdha, Shkodër dhe Durrës. Rama dhe Basha mbyllin fushatën duke kërkuar votën, ndërsa e diela do të jetë “testi i opozitës”, se kush do të triufojë Basha apo Berisha.
Është mbyllur fushata e zgjedhjeve të pjesshme lokale në gjashtë bashki të vendit Shkodër, Dibër, Durrës, Vorë, Rrogozhinë dhe Lushnje që do të mbahen këtë të dielë. Kreu i PS-së Edi Rama ishte në Shkodër ku kërkoi votën e qytetarëve për ti kthyer dinjitetin qytetit sipas tij dhe sulmoi kundështarët duke i konsideruar si “beteja e bravave dhe vareve”. Gjatë fjalës së tij ai u shpreh se në 6 mars është mundësia që Shkodra të marrë vendin që i takon dhe të lartësohet. “Ne duam që këtë herë edhe njëherë tjetër t’i japim Shkodrës një mesazh të qartë që ne jemi këtu. Jemi gati ta ngremë nga gjunjët ku e kanë ulur, ata që e kanë pasur fatin e madh ta qeverisin. Ndaj jemi mbledhur këtu dhe ju falënderoj që keni ardhur dhe ju them të gjithë atyre që në datën 6 kanë mundësi të votojnë, ngritjen e Shkodrës nga një gjunjëzim që duket sapo hyn në Shkodër. Malësia e Madhe është dy hapa larg, pak me tutje, Puka, Vau i Dejës me mundësi shumë herë më te vogla se Shkodra. Në 6 mars ne, të gjithë ata që do votojnë nuk do zgjedhin midis Europës dhe Amerikës , por nuk do shkojnë të zgjedhin as për politikat e mëdha ekonomike shoqërore se për këto shqiptarët e kanë bërë zgjedhjen në gjithë Shqipërinë. Në 6 mars nuk ka zgjedhje për ta mbajtur Shqipërinë krenare pranë aleatit tonë SHBA. Në 6 mars qytetarët do të zgjedhin për një qytet më të pastër”, tha Rama.
Basha, nga Shkodra në Durrës
Më me intesitet ka qenë fushata ditën e djeshme për kreun e PD-së Lulzim Basha, i cili pasi mbylli fushatën në Shkodër, shkoi edhe në Durrës. Kreu i Partisë Demokratike, Lulzim Basha teksa mbylli fushatën ne qytetin e Durrësit u bëri thirrje të gjithë durrsakëve dhe qytetareve të shpërfillin cdo diktator dhe të hedhin votën aty ku u shërbehet fëmijëve dhe prindërve durrsakë. “Ju me me sytë e mbushur me dritë e me shpresë për të dielën e 6 marsit. Këtë shesh e gjej të mbhushur me shpresën e të rinjëve krah një të riu rebel, të një familjari e priindi i cili do të luftojë për t’ia kthyer dinjitetin qytetin, Luan Hotin. Mbështetja juaj nuk ka munguar, e kam ndierë kudo që Durrësi është gati. Këto sheshe kanë buçitur shpesh nga okupatorët që kanë zbarkuar këtu dhe e kanë parë Durrësinh si portën hyrëse për të marrë gjithçka të mirë të kësaj toke. Ky Durrës ka buçitur nga qëndresa e shqiptarëve, por në radhë të parë e durrësakëve, por Durrësi bucket me heshtje. Me heshtjen e mosmiratimit sa herë një qeveri shkel mbi ta”-tha Basha. Ndërsa në Shkodër ka bërë thirrje që të votohet kandidati i PD-së Xhemal Bushati si fuqi e vetme opozitare. Ndrshe nga çdo palë zgjedhjesh të tjera, Basha këtë herë nuk matet vetëm më kundërshtarin klasik PS-sën, por mbi të gjitha më ish-liderin demokrat Sali Berisha. Pas krisjes së madhe, ish-kryeministri ka nxjerrë kandidatët e tij në të gjashtë bashkitë, nën siglën e “Shtëpisë së Lirisë”, pas koalicionit që bëri me LSI-në.
