Gjykata e Tiranës ka dënuar me 2 vite heqje lirie, Arben Memën, i cili terrorizoi me makinë qytetarët në Sheshin “Skënderbej” ditën e zgjedhjeve parlamentare të 25 prillit 2021. I riu, i cili rezultoi se ishte nën efektin e lëndëve narkotike, rrezikoi jetën e disa qytetarëve që ndodheshin në mes të sheshit. Përveç dënimit, Gjykata gjithashtu ka vendosur edhe 2 vite heqjen e patentës.
Ngjarja fillimisht u dyshua si akt terrorist ditën e zgjedhjeve, por më pas rezultoi se thjesht ishte nën efektin e drogës e si pasojë kishte humbur kontrollin e mjetit.
Mema, fatmirësisht ngjarja u neutralizua në kohë pa shkaktuar pasoja falë 22-vjeçarit hero Klodian Elqeni, i cili u fut nga dritarja e mjetit dhe e ndaloi duke e qëlluar me shqelm në fytyrë.
