Pasi kanë folur pjesa më e madhe e deputetëve “besnikë”, kryedemokrati Lulzim Basha ka ndërhyrë pas fjalës së mbajtur nga sekretari i Përgjithshëm i PD-së, Gazment Bardhi që i ka kërkuar atij dorëheqjen nga posti i kryetarit.
Basha ka deklaruar se duhet të arrijmë në një zgjidhje që bashkon PD, por në të njëjtën kohë ka paralajmëruar se nuk do të japë dorëheqjen si zgjidhje që po kërkohet në tavolinë.
“Ne duhet të dalim me një zgjidhje, akt për zgjidhje. Është dramë nëse se keni kuptuar që unë jam në dispozicion për çdo zgjidhje. Ne duhet të dalim në një zgjidhje që bashkon të 3 këto pjesë. Në këtë lojë ka disa faktorë të tjerë pa të cilët nuk mund të ecim përpara. Ndaj duhet të gjejmë zgjidhje.
Deklarata ime i hap rrugë kësaj. Të diskutojmë përgjegjësitë për zgjidhjen. Të japim propozimet. Kalojmë në rrafsh jo emocional. Të kalojmë në diskutime me përgjegjësi, ofrojmë mendimet tona për zgjidhje”, tha Basha.
