Dyshimi për talentin e Cristiano Ronaldos nuk ka vend, ai e dëshmoi duke u rikthyer me një hat-trick pasi humbi në mënyrë kontroverse derbin e Mançesterit fundjavën e kaluar.
Cristiano do të përballet me Atletico Madrid disa ditë pasi udhëhoqi Djajtë e Kuq në një fitore 3-2 ndaj Tottenham .
Në këtë proces, ai u bë lojtari i dytë më i vjetër që shënon një hat-trick në Premier League në moshën 37 vjeç e 35 ditë, i mundur vetëm nga Teddy Sheringham 37 vjeç dhe 146 ditë.
Pasi kaloi numrin e 762 golave të Pele dhe Josef Bican në shkurt 2021, Cristiano tani ka arritur në 807 gola, shifrën më të lartë në histori. Ai ka shënuar 49 hat-trick në nivel klubi.
“Ronaldo ishte brilant, ai nuk luajti ndeshjen e fundit, por u kthye dhe shënoi tre gola”, tha Paul Pogba pas ndeshjes.
“Të kesh sulmuesin më të mirë në histori në ekipin tënd nuk mund të jetë kurrë problem”.
Pavarësisht tensionit me trajnerin e tij Ralf Rangnick, Cristiano vazhdon të udhëheqë me shembull.
“Sot ishte performanca e tij më e mirë, të paktën që kur erdha unë,” ra dakord trajneri Rangnick .
“Cristiano Ronaldo dhe Lionel Messi janë dy lojtarët më të mirë në botë në këtë epokë. Kur luan kundër këtij lloji të lojtarëve, ata janë vendimtarë. Pa Cristiano Ronaldon , për United nuk do të kishte qenë një natë e mirë.”
