Në ditën e shtatë të tubimit para kryeministrisë, protestuesit kanë dalë më 11 kërkesa të qarta për të ndërhyrë qeveria, duke i lënë “afat” deri të shtunën. Shumica e kërkesave të parashtruara janë të karakterit ekonomik, ndërsa pikat e tjera lidhen me kontrolllin në sektorin e hidrokarbureve. Rama: “Këto protesta si realizonte dot as Kremlini vetë”.
Protestuesit nuk i janë dorëzuar qeverisë as për uljen e çmimit dhe as për paketën e rezistencës sociale. Dje, gjatë protestës të mbajtur tek Kryeministria janë lançuar edhe kërkesat që protestuesit kërkojnë që ti marrë për bazë Qeveria ndërsa i kanë vënë ultimatum Ramës dei ditën e shtunë për plotësimin e tyre. Aktivisti Adriatik Lapaj ka zbuluar 11 pikat e protestuesve, duke lënë afat tre ditor për plotësimin e tyre. Kërkesat fillonin që nga heqja e taksave mbi naftën, e deri te rishikimi i buxhetit 2022, në mënyrë që sipas tyre të parandalohet kriza e mëtejshme. Ata kanë kërkuar respektim për shtresat vulnerabël dhe shtresave në nevojë. “Masa për barrën fiskale, për garantimin e krizës; Pezullimi i taksës së qarkullimit dhe të karbonit; Zerimi i përkohëshëm i TVSH për produktet e shportës dhe ulja me 10% në vijim: Përcaktim i marshit të fitimit të hidrokarbureve dhe transparencë me publikun; Masa për mirëfunskionimin e tregut; Pezullim i përkohshëm i konçesionit të markimit dhe skanimit. Hetim për operatorët e importit që ndikojnë në cmimin e naftës; Mbikëqyrje dhe monitorim 3 mujor nga autoriteti i konkurrencës dhe transparencë për faktorët ekonomikë që kanë zotëruar dhe zotërojnë 25% të vlerës; Rishikim i buxhetit të shtetit për vitin 2022, për shkurtimin e harxhimeve operative dhe të luksit të pushtetarëve; Krijimi i një kompanie publike që të konkurrojë me hapjen e një rafinerie në Republikën e Shqipërisë; Miratimi i minimumit jetik; Zgjerim i skemës së kompensimit dhe mbështetjes së femrerëve që duhet të jetë një nga sektorët më të financuar; Këto janë lënë me afat deri ditën e shtunë, kërkojmë nga qeveria të bëjë një paketë të dytë që i plotëson të gjitha”, këto ishin kërkesat e parashtruar për Qeverinë Shqiptare nga protestuesit. Protestuesit thanë se do të kenë pushim deri ditën e shtunë, për t’u rimbledhur sërish të shumtë në numër dhe të kërkojnë të drejtat e tyre.
Rama “atakon” protestuesit, i quan si Putini
Kryeministri Edi Rama, në një takim me biznesin e vogël foli për rritjen e çmimeve në vend , pasojat e luftës, ndërsa nuk la pa komentuar edhe protestat e zhvilluar në gjatë këtyre ditëve në vend. Ai u shpreh se të protestosh është dinjitet, por në këtë kohë lufte është si shpresë për presidentin rus Putin. “Duhet të kemi parasysh që rritja e befasishme e çmimeve dhe fakti që ka ndodh kudo nuk ka lidhje me qeverinë dhe qëndrimin e Shqipërisë ndaj luftës që është në komplet në front me sanksione. Serbia nuk ka vënë sanksione dhe ka të njëjtin problem me çmimet. Të nxjerrin atë që nuk e nxorën dot për ka vite qëllimin ndaj qeverisë. Të protestosh është dinjitet, por të protestosh sot për një rritje çmimesh që është shkaktuar nga një luftë. Të dalësh sot t’i thuash njerëzve që fajin nuk e ka lufta, por qeveria është fiks si shpresa kryesore e Putinit. Këto protesta më mirë dhe bukur, si realizonte dot Kremlini vetë. Që do të thotë që të bësh punën e dikujt drejt tjetër, e një armiku të demokracisë, të lirisë së njerëzve, për të luftuar me qeverinë tënde në këtë Shqipërinë e vogël”, tha Rama.
