Një 66-vjeçar është arrestuar në Berat, pasi ka plagosur me thikë djalin e tij.
Mësohet se pas një debati për motive të dobëta, 66-vjeçari ka goditur me thikë djalin e tij, A.Sh 32-vjeçar. I riu është dërguar fillimisht në spitalin e Beratit, por më pas është transferuar në spitalin e Traumës në Tiranë, për mjekim më të specializuar. Gjendja e tij paraqitet e rënduar.
Materialet i kaluan Prokurorisë së Rrethit Gjyqësor Berat, për veprën penale “Plagosje e rëndë me dashje”.
Njoftimi i Policisë:
Nga specialistët e Seksionit për Krimet u bë arrestimi në flagrancë i shtetasit R.Sh., 66 vjeç, banues në Berat, pasi dyshohet se në banesë, pas një debati për motive të dobëta ka goditur mjet mprehës (thikë), në trup djalin e tij shtetasin A.Sh., 32 vjeç, banues në Berat.
Shtetasi A.Sh, pasi ka marrë ndihmë mjeksore në Spitalin Rajonal Berat, është transferuar në Spitalin e Traumës Tiranë për ndihmë mjeksore më të specializuar.
Materialet i kaluan Prokurorisë së Rrethit Gjyqësor Berat, për veprën penale “Plagosje e rëndë me dashje”.
