Rusia ka thënë se do të përdorë armët bërthamore vetëm nëse përballet me një “kërcënim ekzistencial”.
Zëdhënësi i Kremlinit Dmitry Peskov tha se doktrina bërthamore e vendit të tij nuk arrin të përjashtojë plotësisht përdorimin e armëve bërthamore, por megjithatë nuk sqaroi se çfarë do përbënte një “kërcënim ekzistencial”.
“Ne kemi një koncept të sigurisë së brendshme dhe është publik. Ju mund të lexoni të gjitha arsyet për përdorimin e armëve bërthamore,” tha Peskov. Pra, nëse është një kërcënim ekzistencial për vendin tonë, atëherë mund të përdoret në përputhje me konceptin tonë”.
Fjalët e Peskov vijnë pas komenteve të bëra nga Putin – në të cilat ai dukej se kërcënonte me përdorimin e armëve bërthamore nëse NATO përfshihej në luftën në Ukrainë, të cilat ngritën edhe një herë spektrin e luftës bërthamore.
Në një fjalim të mbajtur në ditët pas nisjes së pushtimit të Ukrainës, Putin paralajmëroi NATO-n të mos ‘fuste hundët’ në planet e tij, duke lënë të kuptohet për përdorimin e mundshëm të armëve bërthamore duke paralajmëruar për ‘pasoja të tilla që nuk i keni parë kurrë në tërë historinë tuaj’.
