Një aksident i rëndë automobilistik ka ndodhur ditën e sotme në fshatin Stan Karbunarë, Lushnjë ku për pasojë ka humbur jetën një person.
Bëhet me dije nga njoftimi i policisë se shtetasi A. V., 31 vjeç duke drejtuar automjetin tip “Benz” është përplasur me motomjetin me drejtues shtetasin T. Z., 50 vjeç.
Për pasojë 50-vjeçari, drejtues i motorit ka ndërruar jetë në vendin e ngjarjes. Policia ka shkuar në vendngjarje dhe po heton për zbardhjen e shkaqeve.
Informacion paraprak
Sot rreth orës 16:30, në fshatin Stan Karbunarë, Lushnjë, shtetasi A. V., 31 vjeç, banues në Berat, duke drejtuar automjetin tip “Benz” është përplasur me motomjetin me drejtues shtetasin T. Z., 50 vjeç, banues në Savër, i cili ka ndërruar jetë.
Grupi hetimor ndodhet në vendngjarje dhe po punon për zbardhjen e rrethanave të aksidentit.
