Në një njoftim për shtyp, FIFA ka bërë të ditur kushtet e shortit për Kupën e Botës, që do të zhvillohet në Katar, nga 21 nëntori deri më 18 dhjetor 2022. Ajo konfirmon se renditja e FIFA-s do të përdoret për të vendosur 32 ekipet në katër vazo të ndryshme me nga 8 skuadra finaliste.
“Sipas procedurës së miratuar nga Komiteti Organizativ për Garat i FIFA-s, 28 skuadrat tashmë të kualifikuara, do të shpërndahen sipas kritereve sportive në vazo të numëruara nga 1 deri në 4, në bazë të renditjes botërore të FIFA-s, që do të publikohet më 31 mars 2022, në fund të ndeshjeve ndërkombëtare të marsit”,- thuhet në të.
Vetëm Katari do të ketë të drejtën e trajtimit special: “Si vend pritës, Katari do të vendoset (pozicioni A1) në vazon 1, ku do t’i bashkohen edhe shtatë skuadrat e kualifikuara më të mira në renditjen globale. Tetë skuadrat e ardhshme sipas renditjes (skuadrat 8 deri në 15) do të futen në vazon 2 dhe skuadrat nga 16 deri në 23 do të shkojnë në vazon 3.
Së fundi, në vazon numër 4, do të përfshijë skuadrat nga vendi i 24-t deri në 28, si dhe dy skuadrat “për t’u përcaktuar”, që korrespondojnë me fituesit e ‘play-off’-eve ndërkontinentale dhe ekipin “për t’u përcaktuar” që korrespondon me fituesin e ‘play-off’-in e fundit të UEFA-s”.
Gjithashtu, FIFA specifikon se “skuadrat nga e njëjta konfederatë nuk mund të vendosen në të njëjtin grup, me përjashtim të UEFA-s, e cila do të ketë 13 përfaqësues. Kështu, pesë nga tetë grupet do të kenë dy kombëtare europiane”.
Në mënyrë të detajuar, “faza e ndeshjeve në grupe të Botërorit 2022 do të shtrihet në 12 ditë, me katër ndeshje në ditë. FIFA sqaron gjithashtu se “ndërsa shorti përfundimtar do të përcaktojë ndeshjet e fazës së grupeve, orari i ndeshjeve finale nuk do të dihen, derisa të caktohen stadiumet dhe ora e fillimit për çdo ndeshje”.
