Bombardimet në Mariupol nuk kanë reshtur asnjë ditë që prej fillimit të sulmeve nga ushtria ruse në Ukrainë. Qyteti është thuajse plotësisht i shkatërruar, ndërsa së fundmi është njoftuar se bombardimet kanë shënjestruar dhe zyra e misionit konsultativ të Bashkimit Evropian në këtë qytet.
Lajmi u bë me dije nga Përfaqësuesi i Lartë i BE-së, Josep Borrell, i cili dënoi ashpër sulmin.
“Zyra e misionit konsultativ të BE-së në Mariupol të Ukrainës, është goditur nga bombardimet ruse, duke pësuar dëme të rënda. Asnjë anëtar i misionit apo bashkëpunëtor nuk u lëndua”.- deklaroi Borrell.
