Vladimir Putin dhe shumë të tjerë në mbarë globin, menduan se lufta me Ukrainën do të përfundonte shpejt, pasi ai urdhëroi një nga ushtritë më të fuqishme në botë, të shtypte fqinjin e tyre më të vogël.
Megjithatë, një seri llogaritjesh të gabuara, si dhe rezistenca e palëkundur ukrainase, kanë parë që konflikti të zgjasë për më shumë se një muaj tani.
Një zyrtar amerikan tha të martën se forcat e Putinit “kanë humbje të jashtëzakonshme”, duke e vendosur numrin në mbi 10,000 trupa.
Megjithatë, raportet tregojnë se situata për ata që ende luftojnë është e vështirë, me racione ushqimesh të skaduara në terren, gabime ushtarake dhe ushtarë të detyruar të hanë mish qeni për të mbijetuar.
Në audion tronditëse të siguruar nga Shërbimi i Sigurisë së Ukrainës (SSU), ushtarët rusë pranuan se kishin ngrënë mish qeni. Biseda nis me një zë mashkulli që pyet “a po hani mirë të paktën”, ndërkohë tjetri i përgjigjet, “ne kishim Alabay-n (emri i një qeni) për darkë”.
Një bisedë e përgjuar në radio midis trupave ruse është zbuluar gjithashtu se një ushtar pranonte që kishte përdhunuar një vajzë 16-vjeçare. Veshjet e tyre mjekësore që datojnë që nga viti 1978 u lanë në fushën e betejës në qytetin e Mykolaiv këtë javë.
