Policia ka shkuar pasditen e sotme të arrestojë ish deputetin e Partisë Socialiste, Alqi Bllako, pas vendimit të gjykatës, por nuk e ka gjetur atë në shtëpi.
Megjithëse dje njoftoi se do të linte mandatin dhe do ti hapte rrugë hetimeve, i bindur se ishte i pafajshëm për aferën e inceneratorëve, Bllako duket se sot ka ndërruar mendje. Ai e la mandatin e deputetit, por nuk u dorëzua në Polici.
Ndërkohë një foto e publikuar në rrjetet sociale nga avokati i tij, Sokol Hazizaj, shton dyshimet se Bllako mund të jetë larguar nga Shqipëria.
Hazizaj ka postuar një foto nga avioni me shënimin “ciao, përqafime”.
