Kryenegociatori rus ka thënë se një projekt-marrëveshje paqeje nuk është gati dhe nuk do të ketë tani asnjë takim mes dy presidentëve të Ukrainës dhe Rusisë. Sipas Sky News, bisedimet midis negociatorëve rus dhe ukrainas priten të rifillojnë të hënën.
Shpresohej se një përparim në bisedimet do të çonte në një takim midis presidentit ukrainas Volodymyr Zelensky dhe presidentit rus Vladimir Putin. Vladimir Medinsky tha se qëndrimi i Rusisë për Krimenë dhe Donbasin mbetet i pandryshuar.
Takimi i fundit midis dy delegacioneve u zhvillua në Stamboll me ndërmjetësimin e presidentit Rexhep Tajip Erdogan. Dy palët diskutuan një ndërprerje të armiqësive në kontekstin e një marrëveshjeje të mundshme që do ta detyronte Ukrainën të braktiste ofertën e saj për t’u bashkuar me NATO-n në këmbim të garancive të sigurisë dhe perspektivës së anëtarësimit në BE.
