Një ngjarje e rëndë ka ndodhur në Lus të Vogël të Kavajës ku një e moshuar është gjetur e vdekur në pus. Sipas policisë, e moshuara 75 vjeçare është gjetur e mbytur në pusin pranë banesës së saj. Ndërsa nga hetimet e deritanishme, dyshohet se e moshuara është vetëhedhur në pus.
Ndërkaq, grupi hetimor ndodhet në vendngjarje dhe po punon për sqarimin e rrethanave të ngjarjes.
Njoftimi i policisë:
Kavajë/Informacion paraprak
Më datë 09.04.2022, në Kavajë, në fshatin Lus i Vogël, nga familjarët, është gjetur e mbytur në pusin pranë banesës së saj, në dukje pa shenja dhune, shtetasja L. X., 75 vjeçe. Nga hetimet paraprake të kryera, dyshohet se është vetë-hedhur në pus. Grupi hetimor ndodhet në vendngjarje dhe po punon për sqarimin e rrethanave të ngjarjes
