Real Madrid mori një fitore të rëndësishme mbrëmjen e djeshme kundër Getafe-s duke iu afruar kështu gjithnjë e më shumë titullit kampion në La Liga. Ndërkohë Barcelona kërkon të ruajë ecurinë pozitive duke sfiduar Levante-n në një transfertë delikate për blaugranasit. PSG dhe Interi rrëmbyen fitore të vyera me ekipin zikaltër i cili ndodhet vetëm 1 pikë larg Milanit kryesues. Për më tepër ju njohim me titujt kryesorë të shtypit sportiv nga bota.
Gazeta spanjolle ‘Marca’ i kushton faqen e parë kryesuesve të La Liga-s pas fitores së djeshme me titullin “Të lançuar”, me ekipin e Ancelottit që duken të sigurt në rrugëtimin e tyre drejt titullit.
E përditshmja “AS” thur elozhe për dyshen Casemiro-Vinicius, me titullin ‘Sambodromo’ që nënkupton sambën braziliane pas kombinimit të dyshes galaktike për golin e parë.
Spanjollja “Sport” pasqyron ecurinë e ekipit katalanas të Xavi-t duke u bërë thirrje “Mos ndalo, Barça”
“L’Esportiu” vjen me titullin “Kush e ka radhën”. Cili do të jetë kundërshtari i radhës që do të jetë një tjetër ‘viktimë’ e katalanasve që duket se nuk kanë të ndalur.
Mundo Deportivo vjen me një intervistë ekskluzive nga Ronaldinho me titullin “Tani mund të shijoj sërish Barçën”
Shtypi italian i kushton vëmendjen triumfit ndaj Veronës së zikaltërve të Simone Inzaghit. “La Gazzetta Sportiva” shkruan “Inter frikëson sërish”, të cilët tashmë po vendosin nën presion Milanin dhe Napolin në krye të tabelës së klasifikimit në Serie A.
E përditshmja franceze “L’Equipe” flet për spektaklin e dhuruar nga Mbappe dhe Neymar në fitoren e parizienëve duke e titulluar “Balada e asëve”.
Gazeta portugeze “O Jogo” pasqyron fitoren e Sportingut të Lisbonës ku një meritë të veçantë kishte spanjolli Sarabia. Performancën e iberikut ata e titullojnë kështu: Sarabia prezanton armët e tij.
