Gjatë ditës së sotme pritet që presidenti i Rusisë, Vladimir Putin, të takohet me presidentin bjellorus, Alexander Lukashenko, për të diskutuar rreth situatës në Ukrainë dhe sanksionet perëndimore.
“Sky News” shkruan se Rusia dërgoi dhjetëra mijëra trupa në Ukrainë më 24 shkurt nga territori rus dhe bjellorus.
Ndërkohë Lukashenko ka insistuar se Bjellorusia duhet të përfshihet në negociatat për zgjidhjen e konfliktit në Ukrainë, duke thënë gjithashtu se Bjellorusia ishte etiketuar padrejtësisht “një bashkëpunëtor i agresorit”.
Kujtojmë se Bjellorusia është përfshirë në sanksionet perëndimore, së bashku me Rusinë.
Ndërkohë agjencia bjelloruse e lajmeve Belta ka njoftuar se të dy do të takohen në Kozmodromin Vostochny, një port hapësinor rus në rajonin e largët lindor të Amurit të Rusisë.
