Demokratët dhe socialistët një zëri kanë pranuar vendimin e Shteteve të Bashkuara të Amerikës. Dikush shkurt e dikush me reagim të plotë kanë komenntuar qëndrimin e Shteteve të Bashkuara të Amerikës. Madje edhe Berisha nuk ka mundur të mbajë një qëndrim për këtë vendim, duke e prerë shkurt “Shkoni dhe pyetje Aqif Rakipin”.
Deputeti i PD-së, Lulzim Basha ka reaguar dje ndaj vendimit të Departamentit të Thesarit në SHBA, për shpalljet “non-grata” të dy personave me influencë. “Është një nga individët që siç e tregon qartë vendimi i Thesarit, ka blerë vota për hesat të Edi Ramës. Kanë tjetërsuar vullnetin e shqiptarëve. Pavarësisht të gjithë mekanizmave të përdorur në masakrën e 25 prillit, diferenca e Edi Ramës dhe opozitës, ishte sa numri i votave që mblodhi Aqif Rakipi”, tha ndër të tjera Lulzim Basha. Sipas ish- kreut të Partisë Demokratike Edi Rama ka humbur një partner, duke folur për SHBA-në. “Edi Rama sot ka të gjithë arsyet të ndihet i vetëm, se ka humbur një partner. Ai nuk u shërben shqiptarëve, por grupeve kriminale. Dua ta përshëndes vendimin e SHBA dhe t’i them çdo shqiptari sot, se nuk jemi vetëm në rrugën tonë, në betejën tonë, që këtë Parlament t’ua kthejmë njerëzve”, tha Lulzim Basha. Në një dalje për mediat nga jashtë sallës së Kuvendin, Basha tha se Rakipi ishte një nga mekanizmat e masakrës zgjedhore, ndërsa shtoi se ai bleu vota për Ramën. “Bashkë me Tom Doshin dhe Vangjush Dakon, Rakipi është një nga mekanizimet e masakrës zgjedhore. Një nga individët siç e tregon dhe SHBA, që ka blerë vota për hesap të Edi Ramës. Janë njerëz që me anë të blerjes së votave, kanë tjetërsuar vullnetin e shqiptarëve. S’duhet të harrojmë pavarësisht mekanizmat e 25 prillit. Diferenca mes Edi Ramës dhe Opozitës ishte e barabartë me 2 mandatet që mblodhi Aqif Rakipi. Interesi kryesor i Edi Ramës është të kënaqë orekset e grupeve kriminale. Përshëndes vendimin e SHBA dhe u them shqiptarëve që nuk jemi vetëm në këtë betejë që të kemi që qeveri që nuk është pjellë e korrupsionit por një parlament që buron nga vota e lirë”, tha ai.
Socialistët
Ministri i Drejtësisë Ulsi Manja dha një koment të shkurtër në hyrje të Kuvendit, për mediat, ndërsa tha se ajo ishte e shkruar e zeza mbi te bardhë. “Sapo e pashë nga titra në media, ajo që është thënë, është thënë. Është e shkruara e bardha mbi të zezë”, tha Manja. Ndërkohë, Eduard Shalsi tha se: “I palënkundur ndaj vendimeve të tilla”. Ndërkohë, ministri i Brendshëm Bledi Çuçi tha se nuk mund të komentohej vendimi i SHBA. “Si mund të komentohet një vendim i SHBA-ve”, tha ai. Mes shumë reagimeve ishte dhe ai i Erion Braçes, i cili tha se: “Rakipi qytetar i lirë, shkoni pyeteni”. Deputeti i Partisë Socialiste Petro Koçi ka komentuar sanksionimin nga Departamenti amerikan i Thesarit të ish-deputetit Aqif Rakipi dhe biznesmenit Ylli Ndroqi. Koçi është shprehur për gazetarët në hyrje të Parlamentit se “e rëndësishme është që rrjeta kap pa dallim”. Deputeti socialist shtoi se problem real është presioni ndaj drejtësisë, që sipas tij po bën Sali Berisha me klanin e tij. “SHBA janë partnerët tanë strategjikë dhe ne duhet të vlerësojmë çdo akt që ka të bëjë me politikën e brendshme. Kështu që mendoj se problemi numër një është politika që i bën presion drejtësië. Ajo që ka bërë Sali Berisha duke themeluar klanin e vetë, nuk është një aspiratë për në politikë, por për interesat e tija. Rëndësi ka që rrjeta kap pa dallim, edhe emrat e përvetshëm kanë hierarkinë e vetë”, u shpreh Koçi.
Demokratët
Ish-kryeministri Sali Berisha ka reaguar në lidhje me vendimin e SHBA për të sanksionuar Aqif Rakipin dhe Ylli Ndroqin. Në hyrje të parlamentit, ishin gazetarët ata që e ndaluan Berishën, për ta pyetur për vendimin e SHBA-ve. Ai u tregua i prerë ndërsa sugjeroi që gazetarët të shkonin të pyesnin ish-deputetin e PDIU. “Shkoni dhe pyetje Aqif Rakipin. Komenti im është; pyesni Aqif Rakipin. Edhe një herë, pyesni”, tha ai. Pasi SHBA sanksionoi Aqif Rakipit dhe Ylli Ndroqit ka reaguar po ashtu edhe deputetja demokrate Jorida Tabaku. Deputetja demokrate tha se me këtë deklaratë u sanksionua vjedhja e zgjedhjeve dhe se kur të shpallet non-grata grupi i strukturuar kriminal i Inceneratorëvve, do të ketë festë. “Unë besoj që duhet të fokusohemi të lajmi i mirë që u sanskionua vjedhja e zgjedhjeve. Një pjesë i dedikohet vjedhjes së zgjedhjeve në Tiranë dhe Elbasan që do të thotë se ka pasur masakër zgjedhore. Gjëja e dytë është kur grupi i strukturuar kriminal i Inceneatorëve të shpallet non grata, do të ketë festë”, u shpreh Tabaku. Enkelejd Alibeaj, kreu i Grupit Parlamentar të PD, është shprehur në hyrje të Kuvendit se personat e shpallur “non-grata” nga SHBA nuk duhet të kenë vend në tempullin e demokracisë. Duke ju referuar Berishës, Alibeaj tha se komenti i tij ishte i qartë për personat e “padëshiruar”. “Ju e dini cili është komenti im për non-grata dhe të tjerë non-grata. Komenti im është që non-gratat nuk duhet të kenë vend këtu”, u shpreh politikani i djathtë. Edhe në mbledhjet e grupit të PD, Enkelejd Alibeaj ka kërkuar që Berisha të mos merrte pjesë sepse është “non-grata” dhe nuk bën pjesë në grup. Pak minuta pas kreut të grupit të PD, në Kuvend për të marrë pjesë në seancën plenare është paraqitur dhe ish-kryeministri Sali Berisha.
