Ministrja e Shtetit për Marrëdhëniet me Parlamentin, Elisa Spiropali, ka komentuar incidentin e kryeministrit Rama të ndodhur në avionin e Lufthansa-s gjatë fluturimit nga Gjermania për në SHBA, ku kreu i qeverisë u detyrua të dilte jashtë nga avioni për shkak të mosvënies së maskës.
Në një intervistë për emisionin “Zonë e Lirë”, Spiropali deklaroi se “punonjësit e kompanisë ajrore nuk e dinin me kë kishin të bënin” dhe veprimi i tyre është shoqëruar me një ndjesë të mëtejshme nga kompania Lufthansa.
“E ka sqaruar Endri Fuga, kanë kërkuar ndjesë anëtarët e ekuipazhit. Lajmi është i vjetër, para shumë muajsh. Më duket krejt e parëndësishme tani, përderisa vetë kompania ka kërkuar falje. Këtu mbyllet.
Në kohë pandemie edhe pilotët edhe anëtarët e ekuipazhit kanë qenë të stresuar. Ky nuk është lajm për t’u mërzitur. Mesa kuptoj është një keqkuptim nga anëtarët e ekuipazhit që nuk e kanë ditur se me kë kanë të bëjnë”, – tha Spiropali.
