Nga përgjimet e zbardhura nga Europol është zbuluar se kreu shqiptar i një bande të rrezikshme në Itali, Elvis Demçe, kishte në plan të vriste shefë policie e gjyqtarë.
Kjo për arsye se me hetimet e tyre, ata po i pengonin aktivitetin kriminal. Megjithatë shqiptari nuk mundi ta çonte deri në fund planin e tij pasi në janar përfundoi në pranga.
Por në përgjime zbulohen shënjestrat e Demçes.
“Duhet ta vrasim, nuk kemi zgjidhje tjetër. Nëse dikush ua di shtëpinë, t’i presim atje nën banesë dhe t’i terrorizojmë. Nëse e gjeni, hidhjani trutë në erë”- shton ai më tej në një tjetër bisedë.
“Ata janë ‘gay’. Prisnin sa t’i bëj kurthin e fundit, e shihni çfarë do t’i bëj. Do e lë të vdekur në mes të rrugës dhe do t’ja bën kokën vrima-vrima,”- shkruan ai në një tjetër bisedë.
Demçe u arrestua në janar me disa anëtarë të grupit të tij. Bashkë me ta u arrestua dhe rivali i tyre më i fortë e ‘ushtarët’ e tij, Ermal Arapaj.
