Është zbuluar identiteti i një prej dy autorëve të dhunës së ushtruar ndaj kancelarit të Gjykatës së Elbasanit, Ledio Sulkuqi.
Mësohet se njëri nga të arrestuarit është Osma Behhaudin Gashi, 24 vjeç. Identifikimi i tij është bërë nga pamjet filmike dhe rezulton se është arrestuar edhe më parë. Ai është djali i një prej figurave kryesore të Komitetit Mysliman në Elbasan.
Ndërkohë, bëhet e ditur se është shpallur në kërkim autori tjetër i dyshuar.
Kujtojmë se ngjarja ndodhi disa ditë më parë, ku Sulkuqi, u godit në orët e vona të së dielës pranë rrugicës së shtëpisë së tij. Ai u gjet me plagë të shumta në kokë e fytyrë, ndërsa në urgjencën e qytetit u dërgua nga kalimtarët e rastit. Nuk dihen arsyet e këtij sherri, ndërsa vetë Sulkuqi ka deklaruar para uniformave blu se nuk i njihte autorët.
