Ish-shefi i Policisë së Dhërmiut, Sokol Bode është dënuar nga GJKKO me 12 vite burg.
Bode akuzohet për ‘shpërdorim detyre’ dhe ‘trafik droge’, ndërsa kishte lidhje me grupin e Habilajve. Masa e sigurisë ju dha në mungesë pasi Sokol Bode, së bashku me ish-oficerin tjetër të policisë Gjergji Kohila, janë në arrati.
Sokol Bode u transferua nga drejtor i postës në Dhërmi në prill të 2017 , në Shkodër ku iu dha posti si Shef i Seksionit për Hetimin e Krimeve.
Por prej kohësh Bode ka qenë në vëmendje pasi janë publikuar fotot ku ai shfaqet me vëllezërit Habilaj, dy prej të cilëve janë arrestuar nga drejtësia italiane për trafik drogë.
Më 7 prill të 2017 ai ka marrë masë disiplinore nga Drejtoria e Standardeve Profesionale dhe ka qenë në hetim edhe nga SHÇBA, pasi në njësinë administrative ‘Guri i Zi’ në Shkodër u zbulua një mini serë ku u gjetën 87 kubikë kanabis. Përveç këtij për këtë rast kanë qenë në hetim edhe 4 punonjës të tjerë policie.
