Riti dhe ceremonia e Epitafit këtë të Premte të Zezë të Pashkëve Ortodokse, bënë bashkë si çdo vit besimtarët ortodoksë në të gjithë vendin.
Ky rit po zhvillohet edhe në Tiranë, me qindra qytetarë të pranishëm, të cilët kanë marshuar nga Katedralja “Ngjallja e Krishtit”, në rrugët e kryeqytetit.
Epitafet e dhjetë kishave janë bashkuar para Katedrales dhe më pas të shoqëruar nga besimtarët, me dritat e shumta të qirinjve të ndezur në kujtim të vdekjes së Krishti, kanë marshuar në rrugët e Tiranës.
E premtja para Pashkës, e cila njihet si e Premtja e Zezë, shënon ditën e kryqëzimit të Jezu Krishtit dhe vuajtjeve të tij me kryqin mbi shpinë, duke ecur drejt vendit ku u kryqëzua,për t’u ringjallur të dielën e Pashkës.
https://streamable.com/mlssde
