Kini kujdes me kodet QR: taktika e re e hakerëve
Microsoft vuri në dukje se kjo është hera e parë që Star Blizzard përdor WhatsApp si një vektor sulmi, një ndryshim që i përgjigjet ndërhyrjes së fundit të agjencive të sigurisë kibernetike që hoqën më shumë se 180 faqe interneti të lidhura me grupin.
Kjo qasje, e cila përfshin përdorimin e kodeve QR me qëllim të keq (të njohur si “quishing”), demonstron aftësinë e tyre për t’u përshtatur me masat e marra nga agjencitë e sigurisë kundër tyre.
Edhe pse fushata duket se ka përfunduar në nëntor, ekspertët paralajmërojnë se Star Blizzard do të vazhdojë të modifikojë taktikat e saj për të shmangur zbulimin. Microsoft dhe WhatsApp u bëjnë thirrje përdoruesve të jenë të kujdesshëm me emailet e pakërkuara, veçanërisht ato që përfshijnë lidhje ose kode QR.
Përdoruesit duhet të verifikojnë gjithmonë autenticitetin e dërguesve dhe të lidhin llogaritë e tyre vetëm përmes platformave zyrtare.
Kush janë ata që preken nga hakerat rusë?
Shtrirja e fushatës është globale. Sipas Qendrës Kombëtare të Sigurisë Kibernetike të Mbretërisë së Bashkuar (NCSC), sulmuesit kanë shënjestruar ministra, zyrtarë diplomatikë dhe ekspertë të politikave të mbrojtjes, si dhe studiues dhe organizata që punojnë në mbështetje të Ukrainës.
Synimi i këtyre sulmeve është të minojnë besimin në qeveritë dhe demokracitë e vendeve aleate.
Star Blizzard ishte identifikuar tashmë nga NCSC si përgjegjës për ndërhyrjen në politikën e Mbretërisë së Bashkuar dhe sulmin ndaj anëtarëve të Parlamentit, universiteteve dhe gazetarëve në vitin 2023.
Grupi, i njohur gjithashtu si Callisto Group, konsiderohet si “vartës” i një njësie specifike të FSB-së./E.T/ ELSPECTADOR.COM
