Firdeus Berberi është i riu që qëlloi me armë sot pasdite drejt bashkëmoshatarit të tij Joan Muçllari në Pogradec.
Konflikti i dy viteve më parë mesë familjes Berberi dhe asaj Muçllari, është bërë shkak i plagosjes me armë zjarri dhe me thikë të të riut Joan Muçllari ditën e hënë në Pogradec.
Joan Muçllari 22-vjeç është qëlluar me thikë në kokë dhe me pistoletë në këmbë nga dy të rinjtë Firdeus Berberi 21-vjeç (në foton majtas) dhe Greis Maxhari 23-vjeç.
Joan Muçllari është nisur me urgjencë drejt Tiranës për shkak të plagëve të marra, ndërkohë që Berberi dhe Maxhari janë shpallur në kërkim nga policia.
Por ngjarja e ditës së sotme i ka fillesat dy vite më parë, kur babai i Firdeus Berberit, Ilir Berberi i njohur dhe si “Lili i Rrushkës” qëlloi me armë kallashnikov në drejtim të hotelit “Voloreka” në pronësi të babait të Joanit, Jetmir Muçllarit, në pikun e sezonit turistik, por që fatmirësisht nuk pati të lënduar.
Disa ditë më pas Ilir Berberi dhe disa persona të tjerë u arrestuan nga policia.
