Një audio e cila tregon Johnny Depp duke i kërkuar Amber Heard që ta qëllojë me thikë është dëgjuar gjatë seancës dëgjimore. Kjo ndodhi gjatë një takimi që ish-çifti pati dy muaj pasi ajo bëri kërkesën për divorc. Ai i kërkoi asaj që ta priste me thikë dhe i tha: “Ke marrë gjithçka, do gjakun tim, merre”.
Gjyqi kundër shpifjes prej 100 milionë dollarësh mes ish-partnerëve tregon më tej se takimi dramatik i tyre ndodhi në një hotel në San Francisko në korrik të vitit 2016. Në atë moment, reputacioni i yllit të Hollywoodit kishte rënë përtokë nga pretendimet e Heard se ai ishte fizikisht i dhunshëm ndaj saj, raporton DailyMail.
Depp i tha gjykatës se ai vazhdimisht i tha Heardit ta priste sepse gjaku i tij “ishte e vetmja gjë që ajo nuk kishte”.
“Unë u takova me të me shpresën se ajo do të tërhiqte gënjeshtrat e saj se bota tani ishte ushqyer. Në asnjë mënyrë ajo nuk ishte gati ta bënte këtë. Nuk mund ta kuptoja pse isha atje”- tha aktori.
I pyetur se pse po kërcënonte se do të lëndonte veten, Depp tha: Kisha një thikë në xhep. Nxora thikën dhe thashë, më pre ketu.
