Zgjedhjet për kreun e PD, Berisha zyrtarizon kandidaturën

Ish-kryeministri Sali Berisha ka dorëzuar dokumentacionin për të garuar për postin e Kryetarit të Partisë Demokratike.

Zgjedhjet do të zhvillohen në 22 maj, ndërkohë që afati i fundit për dorëzimin e dokumentacionit për të garuar për kreun e PD është 7 maji.

Sakaq deri më tani ka qenë vetëm ish-kryeministri Berisha ai që ka dorëzuar dokumentacionin.

Kujtojmë këtë të premte u zhvillua mbledhja e Këshillit Kombëtar të PD.

Kryetari i ri i Këshillit Kombëtar të PD u zgjedh Edi Paloka. Nga numërimi i fletëve të votimit, Edi Paloka rezultoi se kishte marrë 132 vota, ndërsa Eleina Qirici 79 vota.